小神燈新派飯館 (Closed)

上個禮拜約左親戚食飯，揀咗一間中菜餐廳，環境乾淨舒適，裝修風格行懷舊大排檔路線，菜式結合咗創新同傳統，仲可以歎住冷氣食啲撚手小菜。 糯米炒膏蟹 🦀🍚 $568美味指數：👅👅👅👅👅 (5/5)蟹肉鮮甜多汁😍，配埋糯米飯一齊炒，鑊氣十足，飯粒有嚼勁，每一啖都滲透住蟹嘅鮮味，絕對係落足料嘅誠意之作👍 奇趣脆皮豬手🐷 $198美味指數：👅👅👅👅/👅 (4.5/5)平時好驚會食到啲又肥又鹹嘅豬手，但呢到嘅豬手完全冇呢個問題，而且個皮炸得好酥脆😛，食落外脆內軟。 腿茸菜膽雞 (半隻) 🐔🥦 $148美味指數：👅👅👅👅👅 (5/5)雞肉非常嫩滑，肥瘦均勻，加埋上面啲火腿茸🍖，食落每一啖都勁多汁，味道十分鮮美😋，配埋飯食會停唔到口。 辣酒煮東風螺🌶️🍶🐚 $138美味指數：👅👅👅👅/👅 (4.5/5)螺肉彈牙鮮甜，配埋辣酒一齊煮，味道醇厚又帶啲麻辣風味，好過癮😆 海皇豆腐羹🍲 $108美味指數：👅👅👅👅 (4/5)豆腐滑溜溜😗，加埋各種海鮮一齊燉，都幾鮮甜，餸飯一流。 水蜜桃梳打特飲🍑🍹 $28美味指數：👅👅👅👅 (4/5)飲落甜甜哋，而且底部仲有一粒粒爆珠同椰果豐富口感，消暑又解膩🩷 📍小神燈新派飯館