太二老壇子酸菜魚

Open Now

Now Closed

太二酸菜魚係我食過咁多間酸菜魚最喜愛嘅一間以往想食太二酸菜魚都要特登山長水遠上深圳食, 而家唔洗再長途跋涉番大陸都有得食喇! 等到頸都長埋終於開到黎香港喇! 太二酸菜魚獨特之處係湯底香濃惹味之餘, 酸菜亦都非常之好食! 呢到嘅魚係採用鱸魚嘅精選部位, 肉質彈嫩鮮甜而緊實, 食落口完全冇骨, 口感嫩滑, 食到停唔到口二人份量$258多到食唔哂要打包! 我地分別加左$20追加紅薯粉同埋脆豆腐~脆豆腐口感非常特別, 有少少似魚蛋咁食落幾彈牙; 紅薯粉滑嘟嘟, 口感煙煙韌韌, 吸收哂湯嘅精華, 係必點之一!龫葱菌菇灼菜心 $38 菜心炒得好香而且加入咗好多菇類, 份量亦比想像中多😌芥末炸蝦球 $78 非常精緻嘅擺盤，大大粒爽口感彈牙嘅鮮蝦包住一層粉再落去炸, 外面在包住充滿芥辣香嘅醬汁, 刺激又美味自由斟嘅洛神花茶~唔想叫凍飲嘅可以免費任飲非常暖胃嘅熱飲洛神花茶! 可以去油解膩之餘仲有消脂作用! 咁就食多兩塊魚都冇咁大罪惡感啦!