Video
Read full review
2022-09-03
467 views
我自己本身就好鍾意飲茶，所以如果見到有人推介嘅酒樓我都會留意吓㗎。今次我就去咗一間位於觀塘嘅酒樓嘆吓下午茶時段，難得有時間就當然叫返幾款點心慢慢嘆啦。生竹牛肉球首先第一樣食嘅點心係生竹牛肉球。我幾鍾意呢間酒樓牛肉球嘅口感，因為真係夠晒彈口，重要夾起都唔容易散。同埋腐皮嘅份量都好多，啱晒我呢啲鍾意食腐皮嘅人，配埋喼汁食真係超正。懷舊灌湯餃我自己本身都好鍾意食灌湯餃，所以見到酒樓有就試吓。其實呢個灌湯餃真係好大舊，個性價比都好高。另外佢個湯其實真係好好飲，係咁之前落少少大紅浙醋會更飲到佢嘅鮮甜。灌湯餃本身都好足料，入邊有蝦肉豬肉仲有花膠等等。食佢絕對係一大享受。香脆叉燒酥呢一個香脆叉燒酥一樣好有水準，首先佢個表皮真係整得好香脆，有好香嘅酥皮味。入邊叉燒酥個內涵一樣好豐富，成個叉燒酥都係新鮮滾熱辣咁樣送上嚟。所以食起上嚟真係脆卜卜，係好有心思嘅一份叉燒酥。蟹籽燒賣我覺得呢個蟹籽燒賣都係其中一樣好高性價比嘅點心，以呢個價錢嚟講有蟹籽燒賣食其實真係好難得，仲要燒賣嘅肉質都好紮實。蟹籽嘅份量都夠多，食落口都係真材實料。鹹魚雞粒炒飯之後想講嘅就係呢一份鹹魚雞粒炒飯。同樣地我都好滿意呢份鹹魚雞粒炒飯，
生竹牛肉球
首先第一樣食嘅點心係生竹牛肉球。我幾鍾意呢間酒樓牛肉球嘅口感，因為真係夠晒彈口，重要夾起都唔容易散。同埋腐皮嘅份量都好多，啱晒我呢啲鍾意食腐皮嘅人，配埋喼汁食真係超正。
懷舊灌湯餃
我自己本身都好鍾意食灌湯餃，所以見到酒樓有就試吓。其實呢個灌湯餃真係好大舊，個性價比都好高。另外佢個湯其實真係好好飲，係咁之前落少少大紅浙醋會更飲到佢嘅鮮甜。灌湯餃本身都好足料，入邊有蝦肉豬肉仲有花膠等等。食佢絕對係一大享受。
香脆叉燒酥
呢一個香脆叉燒酥一樣好有水準，首先佢個表皮真係整得好香脆，有好香嘅酥皮味。入邊叉燒酥個內涵一樣好豐富，成個叉燒酥都係新鮮滾熱辣咁樣送上嚟。所以食起上嚟真係脆卜卜，係好有心思嘅一份叉燒酥。
蟹籽燒賣
我覺得呢個蟹籽燒賣都係其中一樣好高性價比嘅點心，以呢個價錢嚟講有蟹籽燒賣食其實真係好難得，仲要燒賣嘅肉質都好紮實。蟹籽嘅份量都夠多，食落口都係真材實料。
鹹魚雞粒炒飯
之後想講嘅就係呢一份鹹魚雞粒炒飯。同樣地我都好滿意呢份鹹魚雞粒炒飯，因為佢鑊氣十足，炒飯本身粒粒分明。而且雞肉唔會太碎太散，鹹魚亦都有提鮮嘅作用，完全係色香味俱全，令到成碟炒飯更加香口。
如果大家鍾意飲茶嘅就不妨試吓呢間酒樓啦，誠意推介畀大家。
Post