Video
3-min walk from Exit A2, Kwun Tong MTR Station
continue reading
Telephone
27398323
Opening Hours
Today
08:00 - 15:30
18:00 - 23:00
Mon - Sun
08:00 - 15:30
18:00 - 23:00
Public Holiday
08:00 - 15:30
18:00 - 23:00
Public Holiday Eve
08:00 - 15:30
18:00 - 23:00
Above information is for reference only. Please check details with the restaurant.
今天到觀塘APM商場購物，順道先到隔鄰鱷魚恤中心7樓的「滿福庭」午膳。餐廳地方開揚，寬敞，枱與枱的空間闊落，沒有壓迫感。盡頭有特大螢光幕，裝修明亮整潔，環境清雅。午市特價點心都有多款選擇，甚受歡迎，所以午市時段都座無虛席。我點了幾個喜歡吃的點心：“香茜牛肉腸”，腸粉皮又薄又滑，餡料多，而且調味不錯，有芫茜香味，非常超值。“蟲草花鮮竹卷”，鮮竹卷豬肉餡料調味得宜，不太鹹，配上蟲草花上湯，特別滋味。“香脆綠茶餅”，特色甜品，綠茶餅混上炒香芝麻，份外香口，中間是糯米粉餡料，脆中帶軟，雙重口感。“豉椒排骨飯”，排骨肉質爽口，配上青紅椒及惹味豆豉，味道也不錯。“脆皮燒腩仔”，真正皮脆肉嫩，三分肥肉，七分瘦肉，肉質爽口彈牙，是必食之選。“薑汁雞包仔”，大大隻，餡料調味佳，包皮鬆軟，是超值的點心。離開前見旁邊有幾個大魚缸，養住新鮮生猛海鮮，我便想到晚市來嚐嚐海鮮餐。
continue reading
「飲杯茶☕️食個包」幾乎係爸爸媽媽每日嘅例行公事😚 所以每逢假日，我都會盡量抽時間，帶兩老👵🏻👴🏻出去行吓食吓，等佢哋開心吓🍓 可惜呢個週末天氣不似預期，喺 #紅雨 嘅底下，我唯有改變策略，帶佢哋嚟到 #觀塘港鐵站 旁邊嘅 #鱷魚恤中心 搵食😅 望落水牌，呢度都幾多選擇，不過計舒適度，七樓嘅「滿福庭」似乎都唔錯，一於點佢燈，順便等兩老試吓新嘢☺️佢哋嘅座位擺設都幾寬敞，樓底夠晒高，冇一般酒樓咁侷促… 爽呀😚 我哋嚟到「滿福庭」剛好係 #下午茶時段，佢哋嘅 #特價點心 選擇都幾多，啱晒我呢個 #為食小秘書 🤤🤤 唔講唔知仲以為呢日係我嘅點心放題，#蟹籽燒賣、#潮州粉果、#花菇棉花雞、#鮮竹卷、#叉燒包 … 一次過擺上枱場面真係好治癒🍓 熱辣辣嘅點心就最啱我胃口🤤 #燒賣 啖啖肉好有咬口；#棉花雞 上面嘅魚肚都好鮮味，手勢絕無馬虎😚不過我最欣賞佢哋嘅 #皮蛋瘦肉粥 同 #蜆芥鯪魚球 🤤 粥底煮得好棉，將 #皮蛋 同 #肉碎 一齊入口，味道非常豐富🤤 而佢哋嘅 #鯪魚球 亦都做得相當出色，咬落去魚肉好彈牙，加埋特製嘅 #蜆芥 做調味，真係鮮上加鮮呀🤤 最後加埋碗 #燻蹄米線 俾老竇補充碳水化合物，呢餐真係飽到上心口😅我留意到佢哋嘅食物唔錯之餘，員工嘅態度都好有善，每次都帶住微笑過嚟幫我哋加水/落單，服務認真唔錯😄 哈 以後我哋喺東十去飲茶又多個選擇喇！📍 #滿福庭 (觀塘) 開源道79號鱷魚恤中心7樓滿福庭
continue reading
夏天真係好鬼熱，朝早去完附近銀行做完嘢，想近近地又就腳喺觀塘市中心？一定會諗起APM先，但思前想後，決定搵間點心嘢食！講起喺觀塘食點心好自然會諗到鱷魚恤中心，望望電梯...見到【滿福庭】都有一定嘅好評，好似係一個唔錯嘅選擇。近近哋就去呢間茶樓飲個茶食個包啦！一層過嘅酒樓，門面裝演都有啲氣派，入到去環境氣氛熱鬧散發港式傳统酒樓風情，座位非常足夠，而且分佈闊落。我哋選擇咗中間位置入座，事不宜遲即刻嗌嘢食！睇下有咩野食先！點餐紙種類好多，亦都有好多唔同時段嘅特價野食...✨馬蹄牛肉球(2件)馬蹄牛肉球一向係我嘅飛佛！馬蹄爽脆口感加上淋上喼汁嘅牛肉球，每一啖都好充實，口感好好。✨香噴噴流沙包(2件)今日MVP有兩位，頭一位流沙包，內餡做得好好，咸蛋黃呈流心狀態，咸甜得宜，又香又夠濃最緊要夠熱，如果再多啲流心就更加滿足。✨蟹籽燒賣(2件)蟹籽燒賣外型飽滿，上面嘅蟹籽添上點點口感同鮮甜感，好食。✨蜜汁叉燒飽叉燒份量正常，配上蜜汁嘅甜味同熱辣辣嘅包係經典味道。✨鮮蝦麥茶餃麥茶餃？真係好少聽，但食落都有薄驚喜。皮薄餡鮮，外型都大大粒，蝦肉算鮮甜彈牙，可能有麥茶在內？因為食到清淡中帶著有少少海鮮風味。✨脆皮燒腩仔外皮脆卜卜，肥膏偏多，點一下黃芥辣就啱啱好，中意食燒味嘅要嗌！價錢都可接受！✨銀芽肉絲炒麵銀芽肉絲炒麵炒得恰到好處，麵餅底焦香脆口，肉絲鮮嫩，上面勾芡味道濃郁。今餐嘅第二位MVP！總括嚟講，【滿福庭】食物質素幾好，呢餐真係食得好飽，嗌點心嗰時其實有啲眼大睇過籠。不過即使係咁飽嘅份量，價錢方面算係咁！最緊要坐得舒服，環境大得嚟又唔會非常嘈雜，同埋地理位置好方便，走嘅時候幾樣交通工具都喺附近，去邊都OK！
continue reading
中國人始終鍾意食中菜，尤其是廣東菜啱晒我哋香港人口味，招呼所有外國人，我都係推薦中菜。觀塘晚飯，記得上次去鱷魚恤中心飲喜宴，環境唔錯，一於encore 滿福庭。餐廳環境確實很不錯，除了美食之外，也是和朋友聊天的好地方。餐廳用餐體驗舒服，店員服務殷勤有禮，換碟加茶做得好足。深海龍躉系列 翡翠炒斑球店長推介了必食的深海龍躉系列，非常值得逐一品嚐，皆因深海龍躉每日新鮮運到。店長說每日新鮮劏開龍躉，最少一條重十幾斤，特別鮮甜。新鮮龍躉片厚切，魚肉好鮮甜，食落口感好滑。大大件龍躉鮮甜濕潤，質地好彈牙，沾上蠔油帶點鹹香。伴上西蘭花好爽脆，小炒有鑊氣好惹味。紅燒海皇翅 朋友滋味吃紅燒乳鴿，我就喜歡紅燒海皇翅 ，兒時的味道，童年回憶，只有去飲先有得食紅燒海皇翅。紅燒海皇翅都好高質好新鮮，海鮮濃湯味，大大碗好多翅，果然是傳統招牌名菜。上湯煨翅好鮮甜，味香濃，份量多，灑上一點點酸醋，將味道提升更昇華。香濃嘅海皇翅，豐富餡料，芳香撲鼻，令人垂涎欲滴。至尊燒鵝是名符其實的功夫菜，金牌至尊燒鵝，皮脆肉嫩的燒鵝，新鮮即切，咬落啖啖肉，香氣撲鼻。燒鵝皮極度鬆化脆口，充滿燒鵝油香，而且鹹味適中，燒鵝絕對是伴飯佳品。大師靚叉燒大師級作品的靚叉燒，傳統的做法給食客傳統的味道。叉燒邊香口，賣相晶瑩有潤澤，肉質肥美嫩滑，而且好 juicy，師傅唔會馬虎，絕對不是坊間一般的貨色。最後仲送咗碗糖水俾我哋，很窩心呢！
continue reading
今晚住官塘的朋友約我去食中菜, 他揀了一間近地鐵站的酒家.滿福庭, 酒家門面闊, 裝潢亮麗.門外有菜牌, 介紹鎮店極品燒鵝, 另早午茶市資料, 好吸引.酒家地方寬闊, 樓底高, 燈飾靚, 裝修光猛, 高雅大方, 適合朋友, 家庭飯局聚會, 喜宴聯歡. 有多個海鮮缸, 海鮮生猛活躍.餐牌有多張, 好清晰食品款式多, 侍應招呼親切, 先開茶及送上花生小食, 我們點了普洱茶, 水滾茶香. 點餐無難度, 我們落單, 新自選晚飯孖寶: 至尊燒鵝, 加 酥炸黃金生蠔. 酥炸黃金生蠔 先送上, 炸漿薄, 炸至金黃色, 酥脆可口, 生蠔新鮮好肉, 蠔味濃, 沾些喼汁, 惹味好食. 紅燒妙齡乳鴿 妙齡乳鴿炸得香脆, 外脆內軟.乳鴿醃得入味, 多肉少骨, 肉質嫩滑, 好好食. 蒜蓉大元貝配龍口粉絲, 大元貝新鮮又大隻, 鋪滿了的蒜蓉及龍口粉絲, 蒜蓉好香, 元貝蒸得岩岩好, 夠鮮味, 不會韌, 粉絲也極柔軟, 撈些蒜蓉同豉油汁, 一起食好入味.至尊燒鵝, 燒得好靚, 外皮燒得香脆, 色澤均勻, 鵝皮又薄又香, 少脂肪. 鵝肉鬆軟, 肉厚, 唔肥, 滲出陣陣煙燻香, 香氣四溢, 點些梅子醬更好食. 豉汁涼瓜深海龍躉腩煲, 用瓦鍋上臺熱騰騰. 賣相吸引, 有鑊氣.份量頗多, 龍躉球大大件, 啖啖肉鮮味足, 鼓蒜涼瓜, 無苦味, 真系好食, 入口惹味. 吃得健康.餐後送自家制甜品, 紅豆沙, 有陳皮香, 又不太甜, 好滿意. 酒家食物用料新鮮, 質素好. 廚師廚藝有水準, 價錢抵食, 店員招呼不錯, 會再來.
continue reading