麻辣派對 (金百利廣場) (Closed)

同朋友去咗銅鑼灣sogo 買咗嘢之後，已經黃昏六點幾，想食完晚飯先回家，見到對面金百利廣場，大大個招牌麻辣派對，於是乎撘𨋢按4字，進入餐廳，啲燈光好似開派對咁黑黑地，坐咗張兩人枱，睇吓張餐牌有咩啱食，店員可能見到我哋有選擇困難，好主動過嚟幫手，他介紹水煮味型江團、口水雞（例）小辣、絲苗白飯兩碗再加一杯冰雪鮮檸C飲，等咗一陣間，大大盤水煮味型江團魚已經在眼前，紅紅的麻辣油和辣椒鋪晒面，我以為會好辣，先試吓件魚，麻辣程度我好接受，魚肉好滑，配菜有大豆牙菜、魔芋、蕃薯粉，口水雞肉質鮮嫩，還有啲花生碎，兩個餸都係小小辣，好快白飯比我KO咗，之後慢慢食，傾吓偈，又好似食極都食唔完，真係好多好低食，好值得推介大家。