和牛燒肉一郎 (新都城中心二期) (Closed)

最近突然好想同朋友一齊食燒肉。聽朋友嘅推介，華為於寶琳嘅一間燒肉放題店都幾出色㗎。餐廳名叫做和牛燒肉一郎。今次就趁住晚市時段嚟呢度盡情食燒肉。當日我同朋友都選擇左套餐C 係可以食到黑毛和牛同埋精選嘅海鮮、豬、牛同埋雞㗎。首先講吓個環境先，其實自助區都有好多選擇可以揀，包括可以整呢個燒肉一郎嘅名物牛郎丼！另外order完燒肉之後係會透過燒肉新幹線咁送上嚟㗎，呢個燒肉新幹線仲要係全港首創採用㗎，務求可以達到智能化送餐，所以其實都幾特別。既然叫得套餐C，就當然係為咗可以食到黑毛和牛啦。我特別鍾意餐廳嘅和牛里脊肉，食起上嚟相當有口感，而且和牛味道濃厚。另外和牛肋肉都好好食，燒完之後嘅油脂香味真係好明顯。除咗和牛燒肉之外，餐廳嘅小食都好有特色㗎，我自己就最鍾意餐廳嘅炸雞，絕對有水準過出邊嘅炸雞店。食完之後真係超級滿足！如果大家都好鍾意食燒肉嘅話，就一定要收藏定呢一間和牛燒肉一郎啦！