鳥森 (Closed)

呢排好想食串燒，所以今日同朋友去咗銅鑼灣嘅鳥森，地點係亨利中心7樓。一出𨋢門就見到一個綠色嘅燈籠掛喺門口，好有日本feel😆揭起布簾，入去坐低，望出去係一個好有日本感覺嘅餐廳，因為我同朋友下晝2點幾先去食，所以餐廳唔算好多人，坐得都舒服望到個menu，二話不說一定叫哂啲串燒，分別我同朋友叫咗個Set A同Set C侍應都好貼心，會問你有冇咩野食部位係唔食，呢一點好加分！我同朋友都揀咗伯爵茶，飲落去舒服有少少解膩作用～然之後上咗個前菜先，分別係左邊雞湯，右邊茶碗蒸，以及中間的沙律及漬物。雞湯上到嚟熱辣辣，餐廳熬呢個雞湯熬得好清甜，完全唔會食到任何味精，一啲都唔會口渴。而茶碗蒸加咗菇同雞肉，雖然蒸得稍微少少老，但係佢味道一樣好味，充滿蛋香，同菇好夾。之後就嚟到串燒！同朋友share，總共有11串，碟上面排咗嘅分別係冬菇、茄子、豚肉卷、豬腩串、橫隔肌、雞軟骨、雞翼以及雞腿肉。每項串燒都燒得香脆又鎖住肉汁，即叫即燒，唔會覺得啲位好孩，每樣都keep到鮮嫩嘅口感。豬腩串唔會比哂啲肥位你，肥瘦都有，所以唔會食到好heavy，橫隔肌食落好有口感。我地每人剩低嗰串，就係蛋黃漬免治雞肉棒，完全冇諗過原來