一番 (Closed)

食嘢除咗要好味之外仲要啲乜呢？ 我覺得就係 service， 我冇話環境唔重要只係不過香港寸金尺土 裝修費又貴, 所以呢我覺得 service 係好重要嘅， 咁我又冇講過話要人哋鞠躬，洗死人嗰種， 我只係要求侍應生唔好黑面， 唔好話叫都唔應咁就得啦。新年過後的某一日，父母帶咗我同家姐嚟呢度食日本餐， 咁我哋如常咁嗌咗啲壽司之類嘅嘢啦， 父母就叫佐支清酒飲， 我哋主要係嗌咗啲三文魚壽司謝，海膽軍艦， 同埋一啲刺身咁啦， 其實啲味道都唔錯嘅， 啲壽司夠醋味而且又唔容易散開， 而且呢度啲魚係長個壽司飯好多嘅， 所有嘢我都覺得唔錯而且幾好味。只不過係落單嘅時候，我曾經嗌咗大鰻魚壽司，就係咁樣就出事啦，呢個壽司好耐都未嚟， 咁我就問侍應點解咁耐都未嚟呢， 我阿爸幾番追問之下，個侍應生就話，因為係個後生女嗌嘅，所以就以為唔係真係要點嘅單，我真係火都嚟埋， 喂！ 我係中學生，唔係幼稚園生呀！ 我點單你當我發噏風呀， 我真係唔知呢啲係乜嘢道理囉 ！？ 到最後 ，當然嗰件大鰻魚壽司都嚟咗， 味道係好味呀不過都大打折扣啦，心情都影響曬。 我覺得 service 好有問題。