Brass Spoon (Changed Hand)

今日去開灣仔，就有機會試下呢間想試好耐嘅越南粉麵小店，未到12點半已經有十幾人等緊，店內只得23個座位，等咗大約十幾廿分鐘內就有位呢度好似食日本拉麵咁，一張紙揀晒所有喜好或追加食物，主要係揀生牛肉，熟牛肉，或生熟牛肉，之後就揀要唔要牛湯油，同配料洋蔥、蔥同芫茜的多少，最後揀加唔加錢要多點餸生牛肉河🐂 $88，(呢碗揀咗正常牛湯油、芫茜，多洋蔥多蔥) 湯底幾順喉，味道都幾濃，河粉幾幼細同滑，生牛肉最正，高質同嫩滑，就算浸到最後食都唔老，讚👍另一個讚係佢有一兜幾大兜下嘅配料俾你自己加，有2粒半個青檸、芽菜、金不換、薄荷葉同一塊我都唔知係咩嘅葉👍唯一份量真係少，男士食真係未必夠飽。