丸亀製麵 (Mikiki) (Closed)

去完彩虹道打羽毛球，就過左呢度食自助烏冬。座位很多，食客很少。所有烏冬均有分中或大份量之價錢，今次選了牛肉麻醬拌烏冬及日式燒豚烏冬。仲有自選炸物。牛肉麻醬拌烏冬(大)$46和中份量只差兩元，烏冬份量好多，麵質粗身煙韌。麻醬拌醬微辛帶甜，讓人一口接一口。日式燒豚烏冬$44豬骨湯底唔會太咸，飲落順口。叉燒有兩塊都幾厚，食落一點都唔鞋口。帶筋的部分很q 彈。炸豬扒$22炸物區最貴的，豬扒都算大塊抵食。店員幫忙切好七份。炸粉略嫌偏厚，但豬扒炸得唔乾身。兩人食飽飽勁滿足都只係$112。不錯。