Chez Bistro

Open Now

Now Closed

之前食過唔錯，而且環境幾舒服，今日再黎encore~~✨呢個沙律個柚子芥末醬好好味，帶點酸酸的好開胃，除左沙律菜仲有麵包粒同煙腩片。煙腩片比平時食到既煙肉厚身d 同埋軟腍，而且食落唔會太咸，如果可以有多幾塊就好lu✨呢個湯好滑好creamy, 味道仲好香甜。✨麵包可以自己㨂，圓形呢款質地係微微脆同鬆餅既質感，牛油味幾香，另一款就有nuts 同提子乾。✨香煎是日海捕魚柳（$128): 個魚好厚身，魚皮煎到好香脆，魚肉無骨食落仲好鮮味👍🏻配埋蕃茄醬好清新。 薯蓉賣相精緻，食落好滑～上面果塊脆脆仲好好味添，不過份量覺得有d少。✨法國走地黃油雞脾配牛肝菌汁（$128): 個牛肝菌汁好濃郁，雞脾肉夠嫩滑，雞皮仲好香。個底鋪左d 薯仔片，好香忌廉味👍🏻，加埋d 紅胡椒更惹味。