亞泰廚房 (Closed)

好耐無黎九龍城, 仲係咁多泰國餐廳, 是但搵間食午餐.呢間午市套餐有河粉或金邊粉, 飯類就有海南雞飯, 咖哩飯之類, 選擇都多, 而且套餐可配特飲.要個冬蔭功雞翼河粉, 份量不算少, 有3隻雞翼, 雞翼外表炸過, 個皮就算浸過湯, 仍然帶少少脆, 內里肉質軟滑.冬蔭功湯頭唔算太辣, 少少酸, 唔油膩, 好易入口, 好開胃. 而且里面仲有好多菇, 蕃茄仔, 香茅等配菜, 更加好味.至於個河粉好滑溜, 好爽口, 唔會太重麵粉味, 唔易浸淋.跟餐要左龍眼冰, 好多粒龍冰, 食落好清甜, 而飲品亦好濃香龍眼味.一路食都幾多人, 除左本地人, 仲見外國人同日本人黎幫趁.