Video
Read full review
2023-01-24
2450 views
喺灣仔買完嘢，發現原來呢度都開咗「CHIMAC」，之前喺中環碼頭食過，印象唔錯，今晚又買啲嘢食返屋企先😆。灣仔店開喺QRE二樓，即係連接住胡忠天橋嘅位置。我相信餐廳係主打外賣🥡，不過佢亦提供少量堂食座位。現時凡購買滿一百蚊即送揮春慶節，另外店員亦好有禮貌，抵讚。我買咗一個二人特攻炸雞盒👯♀️($158)，套餐內容豐富，除咗炸雞之外，仲包幾款自款小食/迷你飯同飲品。食物即叫即整，需時十分鐘，熱辣辣送上，包裝整齊。韓國原味炸雞腿肉(原價$58)，🍗炸雞有分兩種，有骨炸雞貴過炸雞腿肉，我要咗後者，因為懶、唔鍾意食骨。一客應該有六件，但我哋食落覺得好似唔止添。炸雞夠乾爽，唔油膩。蜂蜜焦糖炸雞腿肉(原價$69)，🍯呢款口味甜甜哋，好鬼正。雖然淋上醬汁，不過無整濕炸雞皮之餘，仲保持酥脆，而雞肉肉質則嫩滑多汁。我諗原味同其他口味嘅炸雞分別在於個調味。韓式炒粉絲，迷你飯麵份量堅係唔多，不過當佢係小食就好了。🍜粗粉絲口感煙韌，無漿埋一餅，而且富麻油香，仲跟埋啲雜菜一齊炒。韓式炒牛肉飯，醬汁炒肥牛幾惹味🥩，唔會過鹹，如果多啲洋蔥就更好。米飯係用上珍珠米，但口感略濕。魚糕串，🍢魚糕串有成四串，滿有韓國街頭小
喺灣仔買完嘢，發現原來呢度都開咗「CHIMAC」，之前喺中環碼頭食過，印象唔錯，今晚又買啲嘢食返屋企先😆。灣仔店開喺QRE二樓，即係連接住胡忠天橋嘅位置。
我相信餐廳係主打外賣🥡，不過佢亦提供少量堂食座位。現時凡購買滿一百蚊即送揮春慶節，另外店員亦好有禮貌，抵讚。
我買咗一個二人特攻炸雞盒👯♀️($158)，套餐內容豐富，除咗炸雞之外，仲包幾款自款小食/迷你飯同飲品。食物即叫即整，需時十分鐘，熱辣辣送上，包裝整齊。
韓國原味炸雞腿肉(原價$58)，🍗炸雞有分兩種，有骨炸雞貴過炸雞腿肉，我要咗後者，因為懶、唔鍾意食骨。一客應該有六件，但我哋食落覺得好似唔止添。炸雞夠乾爽，唔油膩。
蜂蜜焦糖炸雞腿肉
41 views
0 likes
0 comments
韓式炒粉絲
41 views
0 likes
0 comments
韓式炒牛肉飯
21 views
0 likes
0 comments
魚糕串
17 views
0 likes
0 comments
炸紫菜卷，🍙紫菜卷外層附炸粉漿，就如天婦羅一樣，而內裡包裹嘅係粉絲，但又似糯米。
總括嚟講，呢間韓國炸雞店既好味又抵食🐔，其他餐廳依個價錢，可能只係買到一份炸雞。如果下次再經過的話，我一定會幫襯！
Post
