野川拉麵の深燒食堂

Open Now

Now Closed

今日星期日同老公一起放假，因要入去元朗買野順便系元朗食個午餐先，我地行行下見到間野川拉麵之深燒食堂，見到門口擺左個餐牌出來又好似幾正又抵食。午市套餐包沙律🥗，飯/拉麵和飲品。套餐沙律是胡麻醬沙律，沙律菜好爽脆又碧綠。自家製叉燒拉麵是豬骨湯底好濃郁，有粟米，半隻唐心蛋，木耳條和4片叉燒。叉燒夠淋又好夠味道，拉麵🍜煙韌又軟熟。自家製豬軟骨拉麵，有4大塊豬軟骨炆到好香又不會太油膩，仲有粟米，木耳條和半隻唐心蛋配埋豬骨湯底好美味。蒜蓉燒生蠔，雖然不是太大隻但燒到好香又香噴噴蒜蓉味。黃金燒扇貝，上面舖上芝士扇貝又大大隻燒到好香口美味。忌廉龍蝦蚶蘋果雪葩雪到好結實，真是原個蘋果雪葩啖啖蘋果味又不會太甜真是超正。北海道海鹽雪糕幾特別味道。