意粉屋 (Closed)

今日收工見時間尚早就同二位朋友仔去咗意粉屋食嘢，好彩係餐廳下午茶時間完結前入座。😝 😝三個人叫咗意式煙三文魚海鮮炒飯、烤丹麥雞胸藜麥羅紋菜沙律、珍寶雜錦板板薄餅。意式煙三文魚海鮮炒飯 : 每次下午茶餐都會叫既，因為自己超鐘意食海鮮，而且海鮮爽口又彈牙。😍 😍烤丹麥雞胸藜麥羅紋菜沙律 : 廚師好有心機擺得靚靚仔仔先上枱，雞胸煎得好香口之剩肉質嫩滑，而沙律菜亦好爽口，比我預期中出色。👍🏻 👍🏻珍寶雜錦板板薄餅 : 薄餅脆卜卜之剩餡料亦好多，味道絕對拍得住 Pizza 專門店。