二撇雞

Open Now

Now Closed

星期五收工係觀塘做完運動，就係附近覓食～就嚟咗之前bookmark好耐嘅二撇雞，去到門口已經有人龍排隊，但人流都去得好快，排咗一陣就有位～本身想嗌花膠雞米線但去到已經賣哂 轉戰生滾花膠雲吞雞米線🍜碗米線有好多料，包括有三塊花膠、三隻勁大嘅雲吞、冇骨雞食極都有同埋蟲草花&雲耳/木耳？湯底清，食完成個麵再飲似飲緊屋企煲嘅湯，花膠軟林林有淡淡嘅花膠味；雲吞係勁大件，唔似平時食嘅雲吞，餡係比較實淨嘅肉餡包住兩隻蝦，味道一啲都唔會腥，好大隻食埋啲米線好快飽🤣雞件雖然浸住湯上但唔會話煮好到好嚡口，口感依然好好👍🏼讚呢另外仲嗌咗畢生難忘炸雞翼，同一粒溏心蛋🥚炸雞翼好似我自己屋企平時炸嘅雞翼，好香脆而又唔乾；溏心蛋係酒漬，好重酒味，少少苦，我個人唔係好鍾意，但好流心！