米拉 (Closed)

做完運動想食Tea,到附近東廣場走一轉。下午茶、小食小店都唔少，揀左見到好幾個客人幫襯''米拉''。店面細小，外面擺左兩張摺檯，幾張膠凳俾客人快食，或者歇歇腳。老闆店員好熱情，見到唔少應該係熟客仔。點左檳城芝士牛肉包，攞上手熱辣辣。麵包加熱，外皮仲有少少脆，一打開見到滿滿洋蔥和牛肉。醬汁濃郁，配上芝士和芥末醬，味道唔錯，而且份量唔少。再要左士多啤梨益力多高纖特飲。店員話加左兩枝益力多，果然乳酸味濃，甜酸甜酸，好好飲。再叫左個香菇貢丸、花枝魷魚丸雙拼俾妹妹。妹妹話好有BBQ風味，加左蜜糖好香口。小店經營，價錢唔貴，下次再去幫襯。