一起食堂 (域多利皇后街)

Open Now

Now Closed

首先介紹個蕃茄三寶牛肉麵，入面材料好豐富，牛肉亦好淋身，面底唔會太淋，蕃茄湯底味道濃郁，而且湯面唔會油淋淋，所以飲埋個湯都唔會覺得太邪惡，好好味！不過價錢就唔算平，要＄99另外介紹個花雕麻油雞湯麵，花雕酒係另上嘅，嚟到之後自己倒入個湯入面，花雕酒嘅香味即刻散發出嚟，入面跟兩個大花菇，個麻油雞應該係用雞比肉捲埋醃過再切片，所以係花咗心機嘅👍🏻而唔係就咁成塊雞扒掉入個面度咁簡單，所以presentation呢度加左分👍🏻而且味道好好，個湯亦都唔油膩，所以我飲咗一半🤣至於嗰兩杯飲品，冷泡白桃烏龍茶，係唔甜嘅。蘆薈桂花雪梨茶，就甜甜地，亦都有少少蘆薈肉，幾好飲！