燈籠滷味 (朗豪坊)

Open Now

Now Closed

星期六同朋友一齊去旺角行街，去咗朗豪坊新開嘅燈籠滷味食，其實一碗麵已經夠食但我哋又嗌多咗嘢🤣🍜 招牌燈籠滷味呢個燈籠滷味好似車仔麵咁，可以自己揀麵嘅種類同餸。我揀咗王子麵，比朋友叫嘅米線幼身少少，有啲煙煙韌韌咁，索咗啲滷水汁嘅味道😽 餸方面我叫咗大腸、甜不辣、鴨血，幾樣都好食！大腸好多人都推薦，果然好入味好好食😽 甜不辣好似煙煙韌韌嘅魚蛋咁💛 鴨血都係煙韌嘅，佢比我平時食開嘅鴨血薄切啲嘅～ 我揀嘅麵同餸加埋$52，但超級多餸，我覺得好抵食！ （朋友嗰碗大腸、肝蓮、生菜、米線就$48）🫔 人氣爆漿芋泥肉鬆葱抓蛋餅 （$48）呢、個、大、推、薦！超級正，啲芝士、肉鬆同芋泥都好多，爆晒出嚟😋 個葱抓蛋餅有少少脆脆哋，入面嘅餡料就好cheesy creamy，加埋一齊鹹鹹香香好正🤤🍡 板橋夜市蚵仔酥 （$52）呢個超級大碟，一粒粒類似鹽酥雞，但入面係蚵仔🦪 我覺得呢個味道比較清，蚵仔嘅香味唔係粒粒都食到，炸粉、鹽同胡椒嘅味亦唔算濃。