深井咖喱寶

Open Now

Now Closed

瞓到自然醒的星期日，瞓醒都仍然發緊夢咁，諗唔到食乜，太太話想試下附近間咖哩，好。。。出發差不多一點，午餐時間竟然無人 ，有點擔心，但印象中幾年前試過1次，order啦。叫咗3樣嘢食，素菜咖哩角，忌廉咖哩牛肉，牛油味烤薄餅，加2杯拉茶。餐廳送咗2件薄脆，十分香脆，帶少少辣。跟2種醬，1款似香草，另1款甜甜酸酸，都好味。咖哩角，裡面裝滿咖哩雜菜容，都幾惹味， 尤其是熱熱地食。忌廉咖哩牛肉，好香咖哩味，可能是加了忌廉，不太辣，牛肉夠淋夠入味。牛油味烤薄餅，個人覺得一般，沒有牛油香，不夠香。拉茶，應該是加了肉桂，近幾年減飲甜所以無唔落糖，第一啖，唔掂，但太太竟然話好味，無理由㗎，我試佢果杯，甘甜好味喎，原來落少少糖分別好大。這杯拉茶有驚喜，不過要襯熱飲。