一起食堂 (域多利皇后街)

Open Now

Now Closed

諗住同朋友去愉景灣，所以大家相約喺中環站等。 諗緊食乜嘅時候，比我係網上發現到呢間特色餐廳，咁我哋就去試下啦。我哋星期日去嘅，所以基本上都唔係話太多人。 等咗大概一分鐘就入得去了。餐廳嘅環境都算乾淨，但係唯一嘅缺點就係比較迫 ，唔夠寬敞。基本上我哋嘅袋係冇位放嘅😅 但係店員嘅服務態度都算有禮。😁至於食物方面我哋叫咗蟹肉茶漬飯同埋黑糖豬軟骨飯，呢兩個飯都係餐廳推介嘅食物。 飲品就嗌咗珍珠奶茶 同埋愛玉鳳梨綠茶。黑糖豬軟骨飯嘅賣相ok，包咗啲前菜同埋甜品再加個湯。整體嘅味道都可以， 黑糖嘅味道可以重啲。唯一嘅缺點就係啲豬展骨有少少硬，如果啲豬軟骨淋啲就會更加好食 😋本人鍾意珍珠奶茶少糖。值得一讚嘅地方就係呢度可以畀客人選擇加多糖，中糖或者走糖。我叫佐中糖。黎到既珍珠奶茶甜度啱啱好， 恰到好處。至於朋友嗌嘅茶漬飯 佢話味道清清地幾好食。埋單每人90蚊到，唔算太貴。