Video
Read full review
2016-10-11
620 views
見到雜誌推介呢間新開嘅新派中菜，就相約朋友一齊去試下啦。睇左個餐牌，啲名比較得意，就咁睇都唔肯定係咩餸，好彩啲staff都會詳盡介紹。😊我地6個人叫左11樣野。最後食到捧住個肚😋第一個餸，係口水雞。呢個餸唔係好辣，但個汁就好香，連唔食得辣嘅朋友都食到。第二個係麻麻雞拉皮 - 雞絲粉皮，呢個個麻醬再多少少就更好啦。第三個係玉桂香鴿 - 乳鴿，呢個係老公都食到嘴舐舐，佢話未食過咁多汁嘅乳鴿，熱辣辣，好好味，唔需要點其他調味料，因為已經好入味。初初叫左2隻，之後要加多隻☺️第四同第五個係，即叫即蒸嘅包點。一款係奶黃蜜語 - 奶皇包，一款係紫蓉喵星人 - 紫薯包。2個都好好味，我最愛奶皇，係流沙，唔係平時酒樓果啲一開就已經一舊野嘅假流沙包，係一咬就會流出黎，而且甜而不膩。朋友反而鍾意香滑嘅紫薯包，除左好味，更係俾佢個樣吸引左😂另一朋友們都好鍾意嘅就係呢個松子鱸魚啦。炸到金黃脆口，又無骨，甜甜酸酸，連小朋友都食唔停口。最終一大條魚，都俾我地清空哂。最後我要推介嘅就係呢個黃金蝦啦，金黃香口，連我呢個對蝦唔咁興趣嘅人都忍唔住食咗一隻。另外，我地都嗌左一啲菜，四季豆，娃娃菜，辣子雞，同埋一個比較特別嘅脆
睇左個餐牌，啲名比較得意，就咁睇都唔肯定係咩餸，好彩啲staff都會詳盡介紹。😊
我地6個人叫左11樣野。最後食到捧住個肚😋第一個餸，係口水雞。呢個餸唔係好辣，但個汁就好香，連唔食得辣嘅朋友都食到。
第二個係麻麻雞拉皮 - 雞絲粉皮，呢個個麻醬再多少少就更好啦。
第三個係玉桂香鴿 - 乳鴿，呢個係老公都食到嘴舐舐，佢話未食過咁多汁嘅乳鴿，熱辣辣，好好味，唔需要點其他調味料，因為已經好入味。初初叫左2隻，之後要加多隻☺️
第四同第五個係，即叫即蒸嘅包點。一款係奶黃蜜語 - 奶皇包，一款係紫蓉喵星人 - 紫薯包。2個都好好味，我最愛奶皇，係流沙，唔係平時酒樓果啲一開就已經一舊野嘅假流沙包，係一咬就會流出黎，而且甜而不膩。朋友反而鍾意香滑嘅紫薯包，除左好味，更係俾佢個樣吸引左😂
另一朋友們都好鍾意嘅就係呢個松子鱸魚啦。炸到金黃脆口，又無骨，甜甜酸酸，連小朋友都食唔停口。最終一大條魚，都俾我地清空哂。
最後我要推介嘅就係呢個黃金蝦啦，金黃香口，連我呢個對蝦唔咁興趣嘅人都忍唔住食咗一隻。
另外，我地都嗌左一啲菜，四季豆，娃娃菜，辣子雞，同埋一個比較特別嘅脆皮牛魔點醬 - 牛腩，佢係牛腩包左酥皮去炸，再配上咖哩汁。
總括嚟講，呢間餐廳都好值得試，食品嘅質素比我平時響酒樓食嘅好。最主要係服務質素更加即係A級中嘅A級，親善有禮，時時主動加水斟茶，每一道菜嚟嘅時候都會細心提點同埋講解清楚，易會幫手照顧啲小朋友嘅需要。希望下次再去都會保持呢個服務質素。😊Post
