KoBaNe by Minimal

Open Now

Now Closed

星期日晏晝呢到唔算好多人，即刻就可以入去，主食嘅選擇唔算好多，我哋叫咗雜菌燒三文魚定食同埋壽喜燒牛肉燴飯。雜菌燒三文魚定食（$115）定食配搭好豐富，有茶碗蒸、蔬菜餅、醃茄子同埋蜜瓜。三文魚🐟煎得好香，外脆內軟，醬汁配埋白飯非常好食。蔬菜餅🥕香脆唔油膩，幾有驚喜。茶碗蒸🥚都好滑有蛋香👍🏻而醃茄子🍆相對就普通咗啲，冇咩特別。🍈跟餐嘅蜜瓜比想像中有誠意，係清甜又多汁😋 成個定食嘅配搭好滿足👍🏻壽喜燒牛肉燴飯（$125）呢個即叫整等候時間比較耐，食完個定食都仲未嚟到。本來對佢期望幾高，但係有啲失望😔忌廉汁煮嘅燴飯食多幾啖會有少少膩，配搭埋壽喜燒汁牛肉同埋溫泉蛋都好食嘅，但就係想像到嘅味道冇咩特別。比較推薦呢度嘅定食，整體嚟講都幾好味，見到佢哋呢度嘅甜品賣相都好靚，下次會想嚟試吓。