Video
Read full review
2024-07-27
396 views
今次嚟食蘇山雞飯喺為咗椰子雞煲而嚟冇叫到海南雞，我哋跟餐加咗個麻辣玻璃魷魚通菜，同埋嗌咗下午茶餐嘅白咖喱魚餅扎肉老鼠粉。火焰醬香椰子雞窩🐥跟油飯 （$168）雞窩嚟嘅時候會另外有一樽細酒淋喺面焗住啲雞，沙漏完咗先開蓋。椰子雞窩味道好清甜，椰子水味好出，加埋少少酒同雞味，湯底好出色，可以成個湯底清晒佢😍雞嘅份量唔算好多，肉少多骨，雞肉比較嚡口，雞嚟講就一般，反而入面嘅椰子肉有驚喜，結論係呢個窩嘅椰子出色過個雞。跟餐配嘅油飯同配海南雞嘅一樣，佢唔係純雞油嘅油飯，好香唔會太油膩，飯亦都唔會太濕，係我鍾意嘅油飯回感同味道。跟餐半價嘅麻辣玻璃魷魚通菜🥬魷魚煙韌、菜嘅份量都唔少，上面個辣醬味道無咩特別，入面有乾蒜，個味道有啲似印尼撈麵嗰隻蒜味，整體嚟講幾好食嘅。白咖喱魚餅扎肉老鼠粉🍜（$58）魚餅扎肉加埋有5-6塊，分量唔算少，扎肉都厚身有咬口，而白咖喱湯口感順滑，配埋老鼠粉都幾好食。蘇山雞飯除咗海南雞出色，其他菜式都好食，會再encore😋
火焰醬香椰子雞窩🐥跟油飯 （$168）
雞窩嚟嘅時候會另外有一樽細酒淋喺面焗住啲雞，沙漏完咗先開蓋。椰子雞窩味道好清甜，椰子水味好出，加埋少少酒同雞味，湯底好出色，可以成個湯底清晒佢😍雞嘅份量唔算好多，肉少多骨，雞肉比較嚡口，雞嚟講就一般，反而入面嘅椰子肉有驚喜，結論係呢個窩嘅椰子出色過個雞。
跟餐配嘅油飯同配海南雞嘅一樣，佢唔係純雞油嘅油飯，好香唔會太油膩，飯亦都唔會太濕，係我鍾意嘅油飯回感同味道。
跟餐半價嘅麻辣玻璃魷魚通菜🥬
魷魚煙韌、菜嘅份量都唔少，上面個辣醬味道無咩特別，入面有乾蒜，個味道有啲似印尼撈麵嗰隻蒜味，整體嚟講幾好食嘅。
白咖喱魚餅扎肉老鼠粉🍜（$58）
魚餅扎肉加埋有5-6塊，分量唔算少，扎肉都厚身有咬口，而白咖喱湯口感順滑，配埋老鼠粉都幾好食。
蘇山雞飯除咗海南雞出色，其他菜式都好食，會再encore😋
Post
