La Postre (永樂街) (Closed)

喺上環，地鋪租金貴，面積亦唔大，導致好多有質素嘅餐廳好難圍到皮。除咗少數例外，大部份地鋪都係做成本低，交枱快嘅茶記/快餐，再唔係就係利錢高嘅咖啡店或酒吧。西餐廳好少可以喺地鋪生存，大部份都隱藏喺啲門面靚麗嘅大廈。La Postre 係期中之一。店鋪面積不大，但裝修雅致。午市3道菜只係$100~200，非常合理。叫咗『紅酒燉牛舌闊麵』，紅酒汁與意粉同煮，牛舌表面輕煎過後燉煮至入味，份量慷慨。以呢個價錢嚟講，係難得嘅好質素。