Le Salon De Thé de Joël Robuchon (Moved) New Location

今日同兩位女朋友行到去圓方，朋友推薦一間食甜品嘅餐廳，一入去餐廳已經被櫥窗入邊嘅甜品吸引，急不及待地坐低，即刻跑到櫥窗內選咗一款杏仁牛角酥，另一款聖誕牛角酥，再嚟一個紅莓mouse蛋糕，一杯果汁同埋一杯咖啡，跟住先知道原來呢間餐廳仲可以食西餐，不過我哋因為中午食得太飽，冇食西餐。不過見到餐牌上的圖片，會被圖片吸引，依照甜品嘅出品可以估計到呢間西餐嘅出品唔會差，我相信下一次我會試佢嘅西餐。呢間餐廳仲有一個好細心嘅安排，就係坐低個位置隔離有充電插蘇，滿足女士影相手機冇電嘅需求，呢個好細微嘅細節反映餐廳注重客人嘅感受，收銀同服務員服務態度都唔錯，是一次愉快嘅用餐體驗。