Pizza Maru (朗豪坊)

Open Now

Now Closed

Pizza Maru 係源自韓國嘅餐廳。而朗豪坊分店係佢哋最新分店。今日得地黎試一試呢間過江龍嘅質素。餐廳位處一線商場，晚飯時間 有大量顧客光顧，但由於我哋先行用手機app攞飛，所以實際等候時間只有大約十分鐘。餐廳侍應都係南亞裔所以落單嘅時候需要用英文。餐廳樓面人手足夠，而餐廳燈光光猛，環境乾淨。 我哋嗌咗一份蜂蜜蒜泥炸雞 同埋一個韓式海陸pizza。首先上枱嘅係蜂蜜蒜泥炸雞。由於所用嘅醬汁比較濕，所以炸雞並唔係非常脆身。但蜂蜜蒜泥醬非常野味，加上嫩身雞肉可謂一絕。炸雞上枱嘅時候重冒住煙，相信係即叫即製。亦因為咁，等候時間較長。至於Pizza水準正常，未算非常突出。總體黎講，今次用餐令人滿意。下次會再試下唔同嘅炸雞同pizza。