Video
Read full review
2009-08-31
24 views
最近同深井燒鵝真有緣，繼六月裕記、七月陳記後，八月今次去咗能記……星期六晚抽起條根話入深井食飯，起無訂位情況下，只有揀間唔起眼嘅能記，佢起裕記隔離，拍埋一齊出名唔出名嘅差別好大！講真，如果唔計燒鵝，我覺得呢間係三間之中最好，呢間嘅燒鵝唔熱，連暖都講不上，而且皮亦唔脆，反而佢其他小菜唔錯喎，起碼大大碟又好味，可能因為佢唔出名啦~~牛柳粒西蘭花 ~ 牛柳粒超多，辣辣哋幾入味翠塘豆腐 ~ 籠仔荷葉蒸，又係好大碟，味道調教得唔錯咕嚕斑塊 ~ 汁夠酸，我幾鍾意，而且食得咕嚕肉多，食吓斑塊都唔錯魚雲煲 ~ 麻麻哋，炸得太乾，份量都較少蒜蓉白菜仔 ~ 好簡單一道菜，但白菜仔唔多靚豉油王生蝦 ~ 剛剛好一人一隻，大大隻，豉油汁好味，蝦亦鮮味將佢當為一間酒家食飯嘅話，呢間絕對合格，但唔好對燒鵝期望咁高囉~~
星期六晚抽起條根話入深井食飯，起無訂位情況下，只有揀間唔起眼嘅能記，佢起裕記隔離，拍埋一齊出名唔出名嘅差別好大！
講真，如果唔計燒鵝，我覺得呢間係三間之中最好，呢間嘅燒鵝唔熱，連暖都講不上，而且皮亦唔脆，反而佢其他小菜唔錯喎，起碼大大碟又好味，可能因為佢唔出名啦~~
牛柳粒西蘭花 ~ 牛柳粒超多，辣辣哋幾入味
翠塘豆腐 ~ 籠仔荷葉蒸，又係好大碟，味道調教得唔錯
咕嚕斑塊 ~ 汁夠酸，我幾鍾意，而且食得咕嚕肉多，食吓斑塊都唔錯
魚雲煲 ~ 麻麻哋，炸得太乾，份量都較少
蒜蓉白菜仔 ~ 好簡單一道菜，但白菜仔唔多靚
豉油王生蝦 ~ 剛剛好一人一隻，大大隻，豉油汁好味，蝦亦鮮味
將佢當為一間酒家食飯嘅話，呢間絕對合格，但唔好對燒鵝期望咁高囉~~
Post