紫荊閣 (Closed)

去紅磡紫荊閣食懷舊菜🥰蟹肉蛋白炒魚肚蛋白炒得香滑，手拆蟹肉鮮甜，夾雜爽口魚肚口感豐富。百鳥歸巢個「巢」係用薯仔絲炸成既，上面放咗好多蝦乾、腰果、西芹、帶子、仲有鵪鶉蛋⋯⋯⋯好豐富，又脆又爽。窩貼帶子夾炸得金黃又酥脆加埋帶子係高級版嘅蝦多士👍叫化雞即係「乞衣雞」，雞肉好嫩食到淡淡荷葉香味，最正係隻🐔肚釀咗好多雲耳、冬菇同金針，呢啲配菜最好味，因為完全吸晒D雞嘅精華🥰😋。確係有水準嘅出品😋😋😋！