Video
Read full review
2023-08-22
1336 views
終於有機會嚟到東區食飯就揀咗呢間想試咗好耐喺筲箕灣有名氣嘅蜑家菜我係第一次食蜑家菜所以對我嚟講好特別好新鮮我一路以為呢度係比較噏耷嘅小菜feel原來佢行輕微高級路線裝修企理菜式精緻價錢亦都偏貴尤其是食海鮮，會比出邊啲小菜地方更貴不過食完就會發覺佢係值得嘅因為真係好多手工菜食同埋好好食不過如果唔想俾人劏就要識揀佢哋都不停會Sell你啲貴價海鮮例如鹽焗奄仔蟹要$1480 一隻🫣我覺得鹽焗奄仔蟹，其他地方都食到同埋唔使咁貴所以就冇叫到呢個寧願叫返啲其他地方冇得食嘅類型例如鹹鮮魚好好食，大概$800仲有佢哋當日係咁sell我哋嘅黃腳鱲，好好食好滑四條都係差唔多$800都係偏貴，不過好味招牌菜手撕雞配鴨髀同埋豬膶炒蜆一定要叫食到最後剩返豬潤汁就叫佢加米粉炒埋，好正！佢哋啲乜乜腸粉都應該係出名有瀨尿蝦腸粉，薑蔥蟹腸粉或者龍蝦腸粉，不過我哋就叫咗豉椒排骨腸粉，我覺得都好好食，下次有機會可能試吓佢哋海鮮嘅腸粉啦。同埋試咗海膽炒煲仔飯冇乜海膽味，不過都幾好食佢哋啲甜品好特別試咗呢個香橙年糕配雪糕好架勢咁係你面前用啲橙酒煎香塊年糕, 好似西餐嗰啲香橙crepe 咁嘅整法好好味雪糕只係普通牛奶公司嗰啲盒嗰度
就揀咗呢間想試咗好耐
喺筲箕灣有名氣嘅蜑家菜
我係第一次食蜑家菜
所以對我嚟講好特別好新鮮
我一路以為呢度係比較噏耷嘅小菜feel
原來佢行輕微高級路線
裝修企理
菜式精緻
價錢亦都偏貴
尤其是食海鮮，
會比出邊啲小菜地方更貴
不過食完就會發覺佢係值得嘅
因為真係好多手工菜食同埋好好食
不過如果唔想俾人劏就要識揀
佢哋都不停會Sell你啲貴價海鮮
例如鹽焗奄仔蟹
要$1480 一隻🫣
我覺得鹽焗奄仔蟹，
其他地方都食到同埋唔使咁貴
所以就冇叫到呢個
寧願叫返啲其他地方冇得食嘅類型
例如鹹鮮魚
好好食，大概$800
仲有佢哋當日係咁sell我哋嘅黃腳鱲，好好食好滑
四條都係差唔多$800
都係偏貴，不過好味
招牌菜手撕雞配鴨髀
同埋豬膶炒蜆一定要叫
食到最後剩返豬潤汁就叫佢加米粉炒埋，好正！
佢哋啲乜乜腸粉都應該係出名
有瀨尿蝦腸粉，薑蔥蟹腸粉或者龍蝦腸粉，不過我哋就叫咗豉椒排骨腸粉，我覺得都好好食，下次有機會可能試吓佢哋海鮮嘅腸粉啦。
同埋試咗海膽炒煲仔飯
冇乜海膽味，不過都幾好食
佢哋啲甜品好特別
試咗呢個香橙年糕配雪糕
好架勢咁係你面前用啲橙酒煎香塊年糕, 好似西餐嗰啲香橙crepe 咁嘅整法
好好味
雪糕只係普通牛奶公司嗰啲盒嗰度出來，
但都好孤寒，得一細啖
😂😂如果雪糕多啲會好啲
起碼要一個scoop la!😂
整體上所有嘢都好好食
就算係普通菜都好味
食得出師傅嘅功夫
不過感覺到佢哋成日都想叫你叫好貴嘅海鮮
同埋啲海鮮真係mark up得貴咗d..
不過都真係好想再encore
因為好味
有機會再嚟呢頭都會再食
另外酒水方面
可以自己帶酒
只要喺佢哋個Menu嗰度求其揀一支
就可以免收開瓶費
如果唔係就一只收$100
Rating: 9/10
Around $800pp
Post
