金東大小廚 (Renamed) View

東大街一向食肆多！🤣🥳同事今日選了金東大外賣午餐試試！鮮大蝦雞肉湯飯賣相幾好！大大隻鮮蝦好鮮味！配雞肉又鮮湯瓜，口感豐富！🤗連個冰凍檸茶，60幾蚊真係算抵食！

食物水平很差，服務亦差，個碟金沙骨 好似隔夜餸，又黑又硬，完全食唔落！最會放棄唔食！茶餐廳環境，高級餐廳收費，食物質素同價錢不能相提並論，以後都唔會再幫襯，非常差的體驗！

叫C餐就寫咗E餐，等等等，等到第一輪客走右，都未上餐，問上味，叫我等多陣，話煮ing ,係咪黐線煲仔飯？煲粥飯，煲咁鬼耐，再等多都有半個鐘，再問先講冇E餐，有冇搞錯，咁耐先講，之後同我講換鳳爪排骨煲仔飯，又話相同價錢，E餐60蚊，我就唔知鳳爪排骨煲仔飯幾多錢，但係我就覺得我做咗水魚，之後心諗好肚餓就被迫食咗，最火滾就係個鳳爪排骨煲仔飯係煲仔飯的煲仔飯，蒸飯又唔似蒸飯，難食！好難食！好*難食！仲要洗咗六十幾蚊🥲

Shau Kei Wan on weekends is very busy with a lot of hikers and people heading to the beach who also decide to stop here for a bite to eat. Usually they choose the two famous beef brisket noodle places. But the other restaurants? Often over looked.We decided to try one that is not on the radar.  Kam Tung Kitchen is a Chinese restaurant serving a lot of dishes often found in nicer Chinese restaurants. Things like abalone and that type of thing. But at lunch they have a lunch menu.The menu changes

鳳爪排骨煲仔飯 餐廳位於筲箕灣東大街，筲箕灣地鐵站 B1 或者 B2 東喜道東出口，食街部分店舖中午 🕐 才開始營業。集團仲有粉麵同蜑家私房菜，不過小廚就一早坐滿仲開埋內廳。餐牌有好多選擇，懷舊煲仔蒸飯、湯飯、蝦膏龍蝦煲仔飯都好多人叫 — 鳳爪排骨即叫即蒸，不過都快等咗 15 分鐘左右，熱焫焫㷫烚烚咁，都幾好味，送埋木瓜花生煲豬骨湯，餐飲熱檸茶。唔飽可以行兩步轉入瓊山里，望隆街休憩處旁，仲有低調高手大街小食、小食煌、班戟等

星期六兩口子冇嘢做，所以去下筲箕灣東大街行吓，睇吓有咩美食，其實諗住食d 中價錢，點知依間食蜑家菜，同埋見到個天花掛唒d海味喺度，所以就衝入去試吓ar .我哋可能早食，6:00完全唔使等位，但去到七點已經爆晒棚，出邊仲有人等… 見到個餐牌冇乜idea，有個叔叔夥計好Nice咁介紹咗幾點菜我哋食，咁叫咗賴尿蝦炒腸粉、豬膶浸蜆，同叫咗一條油鹽水浸鹹鮮（是晚是大眼雞）簡單啲講三碟餸真係非常野味好食，但應該超高膽固醇🤣🤣🤣但越唔健康就係越好食架la 😆首先講賴尿蝦腸粉，非常細心地切到一嚿嚿，有殼但入口完全唔吉口，炸咗加埋類似XO醬炒腸粉好易入口好好食⋯⋯加埋腸粉係有異由同工之妙 👍然後豬膶浸蜆建議最好送白飯，好好食⋯⋯佢個湯好惹味和好重胡椒嘅味，冬天食最好，原來豬膶通片係非常夾… 之後條浸鹹鮮，果晩是兩條大眼雞，我其實魚麻麻但我都食晒成條，佢醃個咸鮮味恰到好處，跟埋個煲上，秋冬最佳選擇…埋單約$18xx 算貴（三個餸, 叫左碗飯同埋兩罐可樂）但雖然唔係高級食材，佢做法特別好食，所以理論上都值得嘅，因為碟鹹鮮記得已經去咗$8xx. 我會再去的光顧，因為兩個人其實食唔到好多餸菜, 冇咁大胃口，但好

因為朋友gathering，第一次嚟呢度食～我地食晚市，大約8:30pm差不多每枱都坐滿人，氣氛好熱鬧，環境都好乾淨😙 空間狹窄少少，可能因為張張枱都大，出入就要借下位咁😌要再次多謝朋友又搵到正餐廳，佢個瀨尿蝦炒腸粉&年糕雪糕係我最中意🥹🥹真係好好食！！豬膶炒蜆 ⭐️⭐️⭐️⭐️本身唔太食內臟，食落個豬膶好有油香味，重點係蜆肉！！好新鮮清甜，我食左十幾隻都有😂 料真係落得好足，老細一啲都唔吝嗇，蜆肉份量好夠，食得好過癮😙瀨尿蝦炒腸粉 ⭐️⭐️⭐️⭐️⭐️推薦！！！I am 瀨尿蝦愛好者，超中意呢個，又香又辣，連白色果啲大蔥都炒得好好食！！雪糕年糕 ⭐️⭐️⭐️⭐️⭐️推薦！！！！呢個年糕&雪糕combination 都比老細諗到，好佩服，真係好好味😍😍😍年糕係現場有staff 用pan 開大火燒，再落雪糕，口感一流，好正🥹仲有個酸菜魚都好好食⭐️⭐️⭐️⭐️⭐️唔記得影相😂 佢唔似出面落化學料調味，佢就咁用原材料（蕃茄、酸菜、魚肉）煮，食落好香好舒服，我中意呢個健康版酸菜魚多過坊間酸菜魚😆😆😆

終於有機會嚟到東區食飯就揀咗呢間想試咗好耐喺筲箕灣有名氣嘅蜑家菜我係第一次食蜑家菜所以對我嚟講好特別好新鮮我一路以為呢度係比較噏耷嘅小菜feel原來佢行輕微高級路線裝修企理菜式精緻價錢亦都偏貴尤其是食海鮮，會比出邊啲小菜地方更貴不過食完就會發覺佢係值得嘅因為真係好多手工菜食同埋好好食不過如果唔想俾人劏就要識揀佢哋都不停會Sell你啲貴價海鮮例如鹽焗奄仔蟹要$1480 一隻🫣我覺得鹽焗奄仔蟹，其他地方都食到同埋唔使咁貴所以就冇叫到呢個寧願叫返啲其他地方冇得食嘅類型例如鹹鮮魚好好食，大概$800仲有佢哋當日係咁sell我哋嘅黃腳鱲，好好食好滑四條都係差唔多$800都係偏貴，不過好味招牌菜手撕雞配鴨髀同埋豬膶炒蜆一定要叫食到最後剩返豬潤汁就叫佢加米粉炒埋，好正！佢哋啲乜乜腸粉都應該係出名有瀨尿蝦腸粉，薑蔥蟹腸粉或者龍蝦腸粉，不過我哋就叫咗豉椒排骨腸粉，我覺得都好好食，下次有機會可能試吓佢哋海鮮嘅腸粉啦。同埋試咗海膽炒煲仔飯冇乜海膽味，不過都幾好食佢哋啲甜品好特別試咗呢個香橙年糕配雪糕好架勢咁係你面前用啲橙酒煎香塊年糕, 好似西餐嗰啲香橙crepe 咁嘅整法好好味雪糕只係普通牛奶公司嗰啲盒嗰度

金東大是筲箕灣人好熟悉的食市蜑家背景的餐廳極具筲箕灣特色好多年前有一間小舖專食粉麵點心後來裝修後將兩個舖位合2為1當年的小舖的衛生都幾差蝦河係幾好味點心就好普通不過完全是大排檔式經營竟然收加一所以好多年沒有去最近朋友說午餐幾抵食裝修過後又未試過就試試吧午餐主要餐牌如下但仲有其他點心粉麵多士供應我們一家四口吃了四個午餐午餐包括例湯和熱飲例湯金銀菜煲唐排幾甜唔錯生炒牛肉飯炒得粒粒分開不多油好味豬潤炒蜆跟白飯(客餐)這味是這餐廳名菜雖然我一家四口有3個人都不喜歡豬潤但名菜都要試吓豬潤碎炒蜆令蜆好鮮甜豬潤也沒有了平日的血鯹味個汁好甜撈飯一流荷香金銀蒜蒸龍躉飯龍躉大約有6件好滑也鮮甜新鮮食材係唔同D飯是炒底炒得香調味也好係我食過最好味的蒸龍躉飯蜑家酸菜魚鍋底用了小蠟燭燒住保溫一上枱魚肉是滑的但過一陣再食魚肉已經實了魚湯好清甜好微弱的酸味完全沒有辣味味道不是想像的酸菜魚而是鮮甜的酸菜魚杯奶茶都唔錯吃了一餐好豐富的午餐每人才約$80好抵食

之前食過晚飯唔錯，諗住未食午飯就行入去試下下午茶。無乜人，任坐。個下午茶餐牌，同早餐基本上一樣，一款點心/配一碗粥，或者配個蒸飯。再唔係就兩款燒味配粉面。好啦，得一個大叔侍應，好快手就黎落單。 望住隔離枱叫粥既都五分鐘內有野食， 心諗可能我叫點心配蒸飯耐啲呢！點知坐左十五分鐘，隔離枱都食完抹咀，我就仲吹緊冷氣。咁啱有幾個人入黎食下午茶，叫點心配粥，殊不知點心阿姐已經好快回應，大叫無糯米雞，無春卷，腸粉未熱，無蒸餃，要其他點心或者蘿蔔糕好無！嘩，呢啲仲唔係勁過廚師發板，使乜睇餐牌呀！－聽到，心知不妙，應該漏左我張單，仲可能已經乜都無， 我要幾經大聲叫阿姐大叔先有人應我點解廿分鐘都無野到。大叔就話阿姐無睇單！😑好喇， 大叔就捧左一份粉果同蒸雞飯黎。循例我就緊係發下脾氣話等左咁耐其他枱都走哂啦，阿叔道行高呀，一句唔好意思都無就行左去。食物質素其實真係麻麻， 唔好食又唔太難食，油多。 粉果內花生多，三個粉果，21粒花生（可能因為我唔鐘意食花生）🙄其實呢個價錢食呢個貨色都算唔貴（$40）不過啲服務認真唔得。個個都時運高唔關我事咁款。

友人生日決定大吃一頓，由於疫情關係大家好耐冇見所以很期待這一顿晚餐首先吃了皮蛋鮑魚，不過不失🙂蟹肉賽螃蟹配法包也很鮮味。手撕雞脾鴨脾大家都很喜歡😋😋😋豬潤蜆煲大家更加讚不絕口。豬膶絞碎再加上新鮮的蜆令這鍋非常鮮甜美味食完蜆肉之後再用這鍋的湯汁煮個米粉，冇得輸至於肉蟹蒸肉餅個人就覺得冇乜驚喜總括來講還是吃得很愉快

要係東大街搵間又有燒味飯食又有點心食既餐廳唔算多，今日周街都好多人，要搵位唔容易，甘岩金東大又有位又符合上述要求，於是入去一試。入到去得三個員工，態度唔好，所有野都係叫人等等等。點心紙上點心選擇唔多，炒粉麵飯都唔多款而且價錢略貴。四個人叫左七個點心一個手撕雞鴨飯。盅飯飯質好冧，味道普通。上菜速度好慢，等左廿分鐘以上先有手撕雞鴨飯，而手撕雞鴨飯只不過用燒味油雞同鴨去撕。最恐怖的係食食下，無端端有小強🪳係我地身邊爬過，整體衛生唔得，無下次。

第一次咁嬲，嬲到要寫食評~真係不吐不快~~ig 睇到人地share呢間餐廳，好似幾好食咁~~於是就bk左生日前夕諗住同屋企人慶祝下~~我係早一個月bk既，5個人~~去到比個帶位點離點去~佢間餐廳好大，有幾個舖位, 咁都唔緊要啦~坐底見佢比我嗰張5人枱，隔左塊板，變左4個，1個咁~我問佢係咪要隔塊板喺度,佢話係！我問佢乜原來你係B類餐廳？佢話另外啲位full哂...(但係我早一個月book，而佢book位嗰陣無咁講)咁遠去到，都唯有食啦。。。咁去之前都有做research, 叫嘅都係大路野。佢出名嗰啲都有叫豬潤炒蜆 -> 係幾香，有d酒味招牌手撕雞-> 真係唔覺得特別好食，仲有d咸其他既都不過不失啦小炒皇反而幾好食~最嬲最嬲係佢個炒飯我係叫海膽炒飯，跟住食咗2啖，發覺冇乜海膽味，又見唔到有海膽，咁我就問嗰個姐姐呢個係咪海膽炒飯，佢話係，我問左幾次佢都確定話係。咁我雖然半信半疑，但佢咁講我唯有信啦~我帶住佢係海膽炒飯嘅信念去食。佢個炒飯係幾好食嘅。點知到埋單嘅時候，我見到佢落嗰個炒飯係’蝦膏海蝦炒飯’ 我就問個姐姐啦，頭先你又話係海膽炒飯？ ？ ？？？咁佢無理我，而我哋都食

星期日和家人去飲茶食點心，發覺非常難食。排骨是急凍，咬落好霉，山竹牛肉和北茹雞飯的雞過度製醃。雞扎的火腿好像變味，蘿蔔糕好咸，只得生菜是正常點，非常失望。茶芥每位$15，以地區性茶館來說比較貴，茶葉亦無味。我以後不會再來光顧。

屹立筲箕灣東大街已久嘅小廚～menu真係超級厚📖超級多野食，以蜑家菜為主，多水上人家嘅菜餚，所以海鮮做得特別出色，偏重口味啱曬我😍😍不過呢幾年出左名之後貴左💰豬潤炒蜆 $208 蜆唔算好大隻，但勝在夠多、鮮味同冇沙，同豬潤意外地夾，仲加左少少薑一齊炒中和豬潤，一定要+5⃣️8⃣️要個米粉！用剩餘嘅汁炒米粉，索曬啲豬潤香救命🆘招牌手撕鴛鴦髀 $188 手撕雞同埋鵝髀，用勁多蔥芝麻同秘製醬汁調味，皮仍然好脆，值得一試但未至於令人驚艷，如果少少辣🤏可能會更加香❓麻辣吊桶仔 $98作為前菜極開胃，有咬口，連旁邊嘅青瓜絲都清埋，不過略顯有d鹹🧂仲有好多野想食🤤🤤