紅橋

Open Now

Now Closed

晚上去左花墟買花，購買心頭好後便到附近揾食，經過#紅橋餐廳，環境都乾淨企理，便進入開餐囉。點左2個晚餐同老友分享，套餐有齊餐湯（有中、西式選）、前菜、主菜同埋飲料，價錢都親民。餐湯分別要了中同西式，前菜有煎得香口的單骨雞翼，同埋黑芝麻併厚身蝦肉的芝麻蝦多士。黑松露忌廉汁大蝦意粉，蝦🍤爽口彈牙，煮得柔軟道剛好又索汁，入口有好香口的忌廉松露味，配菜有蘑菇、蘆筍，令口感層次更提升。黑椒牛扒配意粉，牛扒🥩煮得夠晒軟淋，意粉更用了蒜片調味，配菜還有茄子、翠肉瓜、秋葵同粟米，份量多又好味。餐茶點左熱啡同熱檸茶，正常水準。晚餐抵食且味道唔錯，係值得回坊嘅餐廳。