SuperNormal (淘大商場2期)

Open Now

Now Closed

今日放工，同事帶咗我去一間德國菜餐廳，趁星期中，唞啖氣，ChilI吓!呢間餐廳嘅裝修好工業風，紅色頭嘅牆身上面有啲特別嘅圖畫，一個個燈罩吊落嚟落嚟，又有好多燈泡同水管喺牆身，裝修好特別。可以坐響室內或者室外，不過天氣咁熱，梗係坐喺裏面啦！裏面嘅座位有卡座，有一張張枱加座椅，全部都有軟墊，坐得都好舒服。柚子麥啤浸脆皮德國鹹豬手豬手烤焗得個皮好脆，份量算好多，用麥啤浸過，所以肉質唔韌，伴入柚子好入味，加埋酸菜一齊食，落一啲都唔漏，食唔停口，呢期仲做緊半價，真係好抵食！秘製青芥汁軟殼蟹扁意粉扁意粉彈牙，一啲都唔淋，配埋個秘製青芥汁食，好夾好好味。軟殼蟹好大隻，大隻度遮住晒啲意粉，炸得好香脆，好重蟹味，咬落卜卜聲👍🏻洋蔥圈洋蔥圈炸得外脆內軟，配埋個沙律醬食，會令你食唔停口。燒雞翼+燒安格斯牛肉燒雞翼加咗啲辣粉，好惹味！燒安格斯牛肉，牛肉一咬，鎖住啲肉汁響口裏面爆出來，有口感，又重牛味，正~菠蘿荔枝四季春茶呢杯春茶好正，有菠蘿嘅甜，荔枝嘅清香，好好飲！