北角四眼妹美食屋 (Closed)

去開北角，途經呢間北角四眼妹美食屋，忍唔住想買返啲小食添😅見佢雖然舖頭細細，但招牌、門面好光猛，一眼就見到。而且舖頭都幾多選擇，除左一般常見既咖喱魚蛋、燒賣外，仲有雞蛋仔、夾餅等。原來野飲，唔止樽裝、罐裝飲品咁簡單，而係特飲😲😲😲不過唔想食得太多，諗左一陣，我只係揀左一樣，就係平時比較少見嘅綠茶味雞蛋仔，$23一底雞蛋仔，其實都算抵食，旺角起碼要賣到$30/底🤔熱辣辣嘅雞蛋仔，聞落去勁香，而且綠茶味都幾香，食落去茶味濃郁，真係有少少綠茶特有嘅甘苦味，而且外脆內軟，不過唔好睇少佢，食完都幾飽肚😂