安娣瑪萊

Open Now

Now Closed

今日一家人去海港城逛街，小朋友去玩具反斗城掃貨。掃到又累又餓， 向前走一會就見到Auntie Malay, 名稱都幾特別，原來係一間泰式餐廳，又唔駛排隊，於是入去試下。一坐低就有蝦片食，岩晒小朋友。見到個4人餐做緊promotion, 又唔算貴喎， 就order左1set 4人餐。頭盤係小食拼盤同燒雞翼， 無得輸。 串燒好香口，燒~雞~翼，我~鍾~意~食。 生菜包都幾辣，堅果隻辣，我就食到lam lam脷，老婆就食到噴火。冬陰公湯，足料，但無想像中果種泰式辣，偏重椰香。青咖哩雞，真係有驚喜，我認為全場最好食，咖哩香而不漏，少辣，配上茄子，好出色。海南雞配油飯，海南雞算中上， 油飯就好出色。果種油香會令你不自覺地扒飯， 真係一邊扒飯，一邊有罪惡感。 雞絲喇沙就椰香味重，辣味輕，算係配合香港人口味既fusion菜。呢個時候，已經好飽。 多士同甜品，交比小朋友。 見佢地食晒，就知唔錯。