ナカヨ食堂

Open Now

Now Closed

岩岩去完日本返黎，都仲好掛住日本個啲野食，咁岩去開太古，點可以唔去aeon行下，一行aeon就行到唔知時間，又到左食飯時間，睇左幾間餐廳，終於決定食呢間既燒魚定食。望住個餐牌樣樣都想試下，最後決定試下兩個人氣商品，分別係《 鹽燒鯖魚定食》同埋《燒花魚定食》，仲有就係甲羅燒！落左單唔係等左好耐就已經有得食，條燒花魚好大條，開邊燒好配上檸檬汁，啲魚肉岩岩好，唔會過老，真係好好味。條鯖魚都有返咁大條，味道岩岩好，唔會太咸，加埋檸檬汁味道仲清新啲，仲有個麵豉湯好足料，好好飲，又大碗。個甲羅燒都好好食，啲蟹膏份量好多，上面鋪滿蟹籽，蟹肉，同埋蔥，撈埋食味道真係一流。呢餐係性價比高既一餐，既可以滿足下我掛住日本食物既心，食物既味道仲要唔錯。