吉野家 (置富第一城)

Open Now

Now Closed

話說行開第一城，真係無乜好食。行下行下，見到吉野家。真係唔理三七廿一即刻衝入去，只要一碗暖笠笠既牛丼。雖然係假日，但人流唔算太旺。通常放假啲人大多數都係飲茶，想不到理由會到快餐店用膳。見有個新出既牛丼，試下啦。意式蕃茄牛丼 感覺上有小小似肉醬撈飯，但呢個飯俾到我清新既感覺。因為蕃茄既份量幾多，而且同個飯都幾襯。而且，肥牛撈落啲蕃茄到。感覺上無咁滯。此外，個飯都幾多蘑菇片。再講，加上芝士粉。個飯真係無咁單調，食落帶種洋食同和食既crossover。呢個配搭幾好既，唔好在個價位貴左小小。芝士龍蝦串呢個串就真係無乜特別，只係龍蝦丸裡面有芝士。不過，又幾好食。芝士一食就"必"哂出黎，作餐前小食都算係唔錯既選擇。凍奶茶雖然無乜期望，不過都有茶記既水準。茶味真係幾濃，所以次次黎食飯都會飲凍奶茶架。呢個蕃茄牛丼都唔錯，不過都係鍾意舊年個芝士牛丼多啲。芝士拉到一絲絲，配上肥牛黎食。果種美味非筆墨可以形容架。