泰國小吃 (Closed)

黎到西貢，必食係食街入面既泰國小吃，食街係一條巷仔裡面有林林總總既小食店同餐廳既一條街。食泰國野既就有幾間唔同選擇。而我最鍾意食泰國小吃既湯粉，雞絲湯金邊粉，又稱雞粉，就係我既最愛❤️一碗好食既湯粉，精髓就係佢既湯，佢呢間湯底好濃郁～啲粉麵都好入味，仲有唔同既調味料，有酸辣汁、魚露同辣椒粉，可以因應自己嘅口味加配。生熟牛肉湯河，牛肉好嫰口，湯底都係一樣，好濃郁～河粉唔會散開，不過我自己偏愛金邊粉多啲。調味我都加少少辣椒粉同一匙酸辣汁，酸酸辣辣好開胃😋