丼造

Open Now

Now Closed

今日收工嗰陣行緊返屋企嗰陣突然間見到間鋪頭好似幾吸引，就行左過去睇下。原來係食日本嘢，即刻叫老公不如今晚食外賣。個餐牌好多丼飯都好吸引！我老公就揀左牛油果赤火丼而我就揀左鯖魚丼。除左個丼飯，原來佢仲有包埋餐前小食同嘢飲！一打開個鯖魚丼就照正，條鯖魚勁大條！加上蛋粒，青瓜同醃蘿蔔，成個飯嘅賣相都好靚。急不及待就要試下。佢嘅魚皮煎到好香，而魚肉有鯖魚嘅香味，唔會好似有啲餐廳又柴又淡。佢亦都配左一個酸酸地嘅醬汁，點少少又係另一種風味！兩款食法都好正！老公就食個前菜先，佢話個螺肉同埋中華沙律都係正常發揮，無乜投訴。但係個赤火丼佢就讚不絕口！佢攞盤十分吸引，左口魚有輕輕用火炙下，令到佢嘅油香滲岀嚟。而佢嘅三文魚亦都係有炙下，本身三文魚夠肥美，所以炙完之後又係食得到有油香。除左魚，佢個飯仲配上蟹籽，十分爽口，配上牛油果食，帶返一啲清新嘅口感！加上兩舊印住丼造嘅蛋，真係大滿足！啲料多到要食咁啲我嗰盒飯。。。真係好彩咁啱行過撞手神買咗，相信以後又多一間飯堂！