Video
Read full review
2008-09-30
80 views
去完日本後, 迷上了日本的teppanyaki, 喜歡佢地用料新鮮同師傅的技術, 但係香港食一餐有水準日式鐵板燒並不便宜, 所以襯我太座生日就選擇去秋田試下, 聽聞果度d師傅好出色喎!! 當晚我地被安排坐係一個較為寂靜嘅角位, 總算坐得幾舒服, 而且餐廳嘅客人唔算多, 所以環境都幾靜, 一位貌似譚耀文嘅 Roy師傅負責整鐵板燒比我地食, 因為慶祝生日, 所以我地叫左個貴少少的熊本二人前御前套餐/ kumamoto set ($1,076), 個餐都幾豐富, 有沙律, 原隻活伊勢龍蝦, 鮮活鮑魚, 香煎頂級鵝肝, 澳洲頂級和牛薄燒, 特式秋田炒飯, 炒野菜, 龍蝦麵豉湯同季節甜品餐前小食先送上枝豆同魚仔乾, 係香港真係比較少食枝豆, 枝豆外灑上少少鹽, 咸咸地幾好味, 再配上在鐵板炒香的煙肉同櫻花蝦, 咸咸地幾香口, 佐酒一流所有材料都好新鮮, 都係燒前先係魚缸撈出來, 首先整鮑魚 ,睇住師傅將兩隻生鮑魚燒到甩殼再煮到熟, 再加 d 牛油, 蔥花, 調味料, 然後切粒上碟, 入口味道鮮甜, 我估唔到完全唔un, 仲要粒粒都好彈牙, 好味道!!跟住就燒龍蝦, 龍蝦係新鮮本地龍蝦, 個子較小
因為慶祝生日, 所以我地叫左個貴少少的熊本二人前御前套餐/ kumamoto set ($1,076), 個餐都幾豐富, 有沙律, 原隻活伊勢龍蝦, 鮮活鮑魚, 香煎頂級鵝肝, 澳洲頂級和牛薄燒, 特式秋田炒飯, 炒野菜, 龍蝦麵豉湯同季節甜品
餐前小食先送上枝豆同魚仔乾, 係香港真係比較少食枝豆, 枝豆外灑上少少鹽, 咸咸地幾好味, 再配上在鐵板炒香的煙肉同櫻花蝦, 咸咸地幾香口, 佐酒一流
所有材料都好新鮮, 都係燒前先係魚缸撈出來, 首先整鮑魚 ,睇住師傅將兩隻生鮑魚燒到甩殼再煮到熟, 再加 d 牛油, 蔥花, 調味料, 然後切粒上碟, 入口味道鮮甜, 我估唔到完全唔un, 仲要粒粒都好彈牙, 好味道!!
跟住就燒龍蝦, 龍蝦係新鮮本地龍蝦, 個子較小, 但其味道較濃、肉質亦較嫩滑, 龍蝦肉好爽口同鮮甜, 加上少許酒的調味, 將龍蝦鮮味完全帶出來, 可惜太少了
然後到鵝肝出場, Roy師傅弄法包做法好特別, 先係鐵板上將略略煎至金黃色,加入少量牛油, 再將麵包壓到好扁好扁, 然後將麵包放埋一邊, 繼而將兩片鵝肝放係鐵板上煎熟, 睇住鵝肝慢慢轉至金黃色後, 再將鵝肝放上麵包上才上碟, 鵝肝甘香可口, 配上香脆法包食可減低油膩感, 又係一絕
之後到第四個主角澳洲和牛肉, 我地另加 $80 將 menu 上的薄燒轉左厚燒澳洲和牛牛肩, 因為我地覺得厚燒比較有口感同肉味, 做法同日本傳統做法一樣將大量嘅蒜片用油半煎炸至金黃色, 然後將整片牛肉放係鐵板上面燒, 燒至5成熟之後再倒左 d 酒落牛肉度, 形成一個好震撼嘅放火場面呀, 師傅控制時間得好好, 牛肉juciy 同好有肉味, 生熟嘅程度又啱啱好, 連蒜片食仲正架
跟住係龍蝦麵豉湯, 用上前一晚預留嘅新鮮龍蝦頭加上紅蘿蔔來黎淆湯, 湯底好鮮甜, 而炒野菜就一般啦, 因為炒得比較生, 跟住師傅又玩下把戲, 用雞蛋寫字, 之後用d雞蛋同日本冷飯, 煙肉、蔥, 魚子等用來炒飯, 飯炒得乾身有水準, 一大碗熱辣辣又好味, 食到好飽
甜品係雪糕, 無咩特別, 好人嘅Roy師傅知道我地對雪糕有 d失望, 仲請我地食北海道甜粟米呀! 都係第一次食生粟米架咋! 味道有 d 似馬蹄, 甜得黎又多汁
是次席前料理可以享受到食材的新鮮同師傅的技巧, 而且服務都好好, 絕對值得一試, 埋單總數$1,393 (套餐連加一, 一枝sapporo同lemon squash, 綠茶, 餐前小食, 加$80轉和牛肩)
Post
