一君士多 (Closed)

今日經過尖沙咀同朋友入咗呢間一君士多食嘢，最近嘅尖沙咀都好小人，所以都唔使排隊，唔洗迫，非常之好😂而餐廳地理位置好方便，一上地鐵站就到，裝修都好靚坐得好舒服。叫咗碗牛肉麵，面底份量極多，牛肉好滑，好嫩，好香！性價比高。而且份量一啲都唔小。絕對唔會因為價錢平而將貨就價。另外朋友在叫咗個三餸車仔麵，分別係辣魷魚，蘿蔔，肥牛。辣魷魚”yip”得好入味，但又唔會泰勒入唔到口，純粹係辣香，jeng。蘿蔔都好明顯yip過，好入味。肥牛脂肪紅肉比例一流。而且仲有五、六大塊🤤叫咗一碟生菜，份量就唔太多啦，不過對得住個價錢。雞鎚有芝士包係入邊，雖然唔係流心， 但芝士份量一流，推介！叫咗杯熱利賓納，甜甜地幾好味。另外杯龍眼沙冰就好正，有大量真龍眼肉。香港好少地方有得飲龍眼沙冰，所以不得不試！我都會推介朋友來離🤤