漁匠屋

Open Now

Now Closed

上個月特登黎食，點知冇開門，今日終於食到喇，好開心！同男友7:30黎到，唔駛等位，可能平日關係，入面座位唔多，order 枱有12個位，再加bar枱4個位，如果假期想食，真係要早啲黎。我地要左一個三色海膽飯，同埋刺身飯。主菜未到，先有一碗海澡湯，同埋一片煙薰芝士，老闆娘仲好細心叫我地食左芝士先飲湯。好快就到主角出場，非常期待！！海膽舖滿飯面，再加生蛋黃，撈生蛋黃我都係第一次食。可能我覺得海膽夠新鮮，所以唔撈生蛋黃我已經覺得超正！三款海膽，最鮮甜係深橙色，自從喺北海道涵館食過海膽後，呢度既海膽真係拍得住。刺身飯有牡丹蝦，吞拿魚腩，海膽，油甘魚，魚子，鮮甜不在話，仲要每件切身都係厚切，每一啖都好有口感。能夠喺屯門有一間咁高水準既日本丼飯舖頭，真係難得，單睇價錢，會覺得貴，但以食物質素黎講，一啲都唔貴。