鈺膳潮州菜 (駱克道) (Closed)

灣仔太多好嘢食，今日又發掘到一間潮州菜，樓上坐，雖然店面不大，食物環境卻都超水準，請客作東都不失體面。餐廳就在地鐵站附近，大大個招牌好難錯過。室內全部都係大台，兩人前來可能需要搭檯。近窗處好似仲有包房。餐牌製作精美，食物選擇眾多，都算係潮州特色。價錢適中，不過不算是平價。👇🏻【鹵水鵝肉】睇餐牌原來有鵝肉同鵝片嘅分別。鵝肉即厚切，鵝片薄切。可能薄切易入口，所以價錢貴小小。我地叫左厚切的鵝肉🙈😆幾驚喜！鹵水十分入味，鵝肉鹹香，肉質唔柴，啲皮唔會太肥膩，同埋好大份，墊底的豆腐都鹹香多汁，推介！！👇🏻【方魚炒芥蘭】芥蘭青翠欲滴，菜頭爽脆，方魚細細片，提鮮，色香味俱全，驚喜之選！👇🏻【蠔仔粥】潮州菜經典 怎能不食。好足料！好多蠔仔粒，同埋有細細片方魚調味，肉碎豐富，加了香菜提鮮，粥同水比例正好，好滿足。👇🏻兩人三送好飽，埋單$400有找。