梅花邨小館

Open Now

Now Closed

我同屋企人間中都會黎食下飯，因為呢度d潮洲菜比較啱口味，比較似我嫲嫲煮開嘅味道，可惜嫲嫲已經唔喺度，只可以黎呢度回味一下啦。通常都會叫滷水鵝，滷水拼盤，蠔餅之類，琴晚想食春菜，但問侍應佢話冇貨，介紹左個鹹肉芥菜煲。一上枱，見個湯底幾吸引，飲左半碗仔，估唔到幾好味喎，有淡淡胡椒味，但又頗清甜😋，相信下次都會再叫。特別要講下佢d飯前小吃，佢個鹹菜真係好好味，唔係死鹹，會係甜味比較多d，令你食完想再食。仲有個炸花生小魚仔，香口鬆脆，回味無窮，不過食得多就容易熱氣囉😝仲有佢個甜品，每次都會叫白果芋泥，細細碗，比較甜同飽肚，兩三個人食一碗就差唔多，總覺得佢之前比較好味。