日作食堂

Open Now

Now Closed

醬油炙燒丼 $158有炙燒帆立貝、炙燒三文魚、炙燒左口魚邊同玉子，先在魚生上淋上醬油再炙燒，火槍嘅熱力將魚油逼出，口感滑嫩，味道鮮甜，份量都多，推薦！隨餐附上兩個日式小菜同味噌湯。.鰻魚山藥燒配醬油糖心蛋帆立貝湯烏冬 $148用山藥磨成泥，加入雞蛋、麵粉拌勻後煎成餅，煎到兩面金黄色，並放上鰻魚、柴魚片，淋上醬油膏、沙拉醬，食落似食大阪燒、章魚燒，師傅已將切好小塊，好貼心！仲有湯烏冬，湯底係日式鏗魚湯底，烏冬口感彈牙爽口，配上醬油糖心蛋、帆立貝、魚板，好食！.明太子蔥花玉子燒 $68玉子燒大大份，內裏佈滿蔥花，上面淋上明太子沙律醬同柴魚片。食落雞蛋同蔥花味香，有玉子燒嘅香甜，配埋微鹹嘅明太子醬，鹹甜嘅味道好好食！.信州產蘋果汽水、長野県產蜜桃汽水 套餐+$30汽水上面加冰同忌廉，賣相吸引，兩種口味嘅汽水同忌廉都好夾，飲落有汽水嘅氣泡感同好creamy，好飲！.蘋果肉桂卷蛋 套餐+$28蘋果醬做內餡，用鮮奶油同蛋卷包住，外層有肉桂粉，味道不過不失。