Video
Read full review
2023-08-03
55 views
屯門區食過最好味嘅烤肉，肉類、主食、炸雞、飲品都好唔錯，環境舒適，服務都非常好，經常會幫我哋換鐵架。首先會上沙律，可以無限refill。我哋四個人點咗個四人餐，首先會上漬物，有三款，酸蘿蔔、茄子同芽菜。之後就係勁豐富嘅肉類拼盤，佢用一個大架上，非常吸睛，而且有乾冰效果，打卡一流。四人餐包嘅肉類非常豐富，有唔同部位嘅A4和牛、黑毛和牛、牛舌、雞肉、豬頸肉、雞翼、帶子等等，真係數唔晒，一影完相大家就忍唔住開始燒啦。建議先由最肥嘅A4和牛三角肩開始燒，非常香，油脂豐富，點少少鹽就已經好好味。另外黑毛和牛三筋肉，同埋牛小排都非常重嘅牛味，仲有醬汁牛肋燒，肉質好嫩好入味，而且勁大塊，食到舔舔脷。而帶子同雞肉都好好味，尤其係日本赤雞腿肉好有驚喜，不過記得要細火燒，如果唔係好容易燒燶。除咗咁大盤肉，仲有個好好味嘅特上燒牛丼飯，佢份量真係好驚人，足足可以筆四碗飯出嚟，同埋佢上面嘅肥牛都相當好味。套餐仲有炸雞，勁大塊，一人一塊啱啱好。依家生日有優惠，可以送一碟肉蛋糕，就係用豬肉舖成一個蛋糕咁樣，好得意好啱打卡。大家記得book定位去食啦。
首先會上沙律，可以無限refill。我哋四個人點咗個四人餐，首先會上漬物，有三款，酸蘿蔔、茄子同芽菜。
之後就係勁豐富嘅肉類拼盤，佢用一個大架上，非常吸睛，而且有乾冰效果，打卡一流。四人餐包嘅肉類非常豐富，有唔同部位嘅A4和牛、黑毛和牛、牛舌、雞肉、豬頸肉、雞翼、帶子等等，真係數唔晒，一影完相大家就忍唔住開始燒啦。
建議先由最肥嘅A4和牛三角肩開始燒，非常香，油脂豐富，點少少鹽就已經好好味。另外黑毛和牛三筋肉，同埋牛小排都非常重嘅牛味，仲有醬汁牛肋燒，肉質好嫩好入味，而且勁大塊，食到舔舔脷。而帶子同雞肉都好好味，尤其係日本赤雞腿肉好有驚喜，不過記得要細火燒，如果唔係好容易燒燶。
除咗咁大盤肉，仲有個好好味嘅特上燒牛丼飯，佢份量真係好驚人，足足可以筆四碗飯出嚟，同埋佢上面嘅肥牛都相當好味。套餐仲有炸雞，勁大塊，一人一塊啱啱好。
依家生日有優惠，可以送一碟肉蛋糕，就係用豬肉舖成一個蛋糕咁樣，好得意好啱打卡。大家記得book定位去食啦。
Post
