鹵家

Open Now

Now Closed

與朋友一起去食午餐，朋友比較大食，揀左皇牌鴛鴦飯（鹽香雞+脆燒鴨），我揀左叉燒飯，另外叫左一份醉雞卷。整體的食物「色」都好好，擺盤靚可以增加食客的食慾。叉燒飯中叉燒頗有水準，份量足，肉質雖不至於入口融化，不過好入味，忍唔住食曬。飯中仲有一隻太陽蛋，隻蛋就賣相唔錯，味道就一般。朋友叫既是鴛鴦飯，飯是另上，飯同餸既份量都好足，男仔食都夠。至於味道，雞真係咸左d,朋友食得咸所以叫左鹽香雞，鴨的肥瘦剛好。我地另外點左醉雞卷，酒味都少少重，雞既肉質幾好，係唔夠香，每片上面的杞子幫佢加左分，份量足。不得不提，我地試左飲個無味精老火湯，湯料足，真係無味精，飲完都唔會覺得口渴，唔錯。埋單每人$80左右，睇落有點貴，不過以味道同份量來計，都算抵的。