Dodam Chicken (利舞臺廣場)

Open Now

Now Closed

上日文堂前喺銅鑼灣搵食，平時多數食樓下M〇JI CA〇E，今日時間比較多，嚟咗同一個商場18樓呢間「Dodam Chicken」食韓式炸雞。我哋6點就上去到，時間尚早人比較少唔駛等位。【三重芝士脆雞】鐵板上嘅三重芝士脆雞一上到枱已經聞到好濃郁嘅芝士味，超級香！！墊底有拉絲芝士，面有車拉芝士醬，再點埋麵包入面嘅芝士，足足三重芝士嘅滋味，芝士控唔可以錯過！脆雞炸到香脆，入面雞肉鮮嫩多汁，好食！係食到最後時，鐵板凍咗後啲拉絲芝士凝固左係底食唔到，浪費咗。【泡菜餅】呢個泡菜餅都好好食，入面加咗好多煙肉，令到個味道更有層次。大大一個兩個人其實有啲吃力，哈哈！呢間韓國炸雞好好食，亦坐得舒服，適合用朋友一齊嚟開餐傾吓計。