田記魚蛋牛腩專門店 (塘尾道)

Open Now

Now Closed

好久冇去食牛腩粉，今日路過太子塘尾道，發現呢邊都有間田記魚蛋牛腩面分店。晚餐就決定食佢啦！😆首先嗌左份牛三寶河粉：三寶有牛腩，牛肚和牛筋，牛腩燜得好淋，好入味。牛肚好爽口，牛筋軟硬適中，煙煙韌韌。湯底有好香濃啲牛肉味。性價比好高，好抵食。加$8元可嗌份腐乳通菜。通菜新嫩爽口，冇有渣！還嗌左淨金牌牛腩：牛腩份量好多，疊成一層層，底層係蘿蔔。牛腩肥瘦適中，燜得好軟腍，肉香味一樣好正。蘿蔔都好淋有好濃郁嘅牛肉味。