亞古鍋 (Closed)

今日食lunch ,去咗銅鑼灣金朝陽中心食亞古鍋！一去到餐廳門口,已經覺得餐廳裝修得好靚。我同同事坐低,睇咗餐牌之後，決定要試下個招牌阿古鍋湯底。然後，又order左四合丸，走地雞，鱔片，牛三味，炸魚皮，油麥菜等……湯底嚟到，果然足料，有花膠有杞子藥材等，個湯底濃到一個點。而且，有好多花膠係湯底入邊。我飲咗兩碗湯底先開始加水打邊爐，將塊牛肉放入湯底5秒，撈起嚟食，果然係好好食。牛肉好新鮮而且好淋。有入口即溶的感覺。我再試試四合丸，由四種肉合併成一粒肉丸，很有特色又好味。值得一讚的是白鱔片，非常新鮮。還有走地雞，肉質非常彈牙。食過咁多間打邊爐，呢間真係一流。無論點我都會再次光顧！